11 июн 11:41
Янгиликлар

Формула-1

Шумахерни яна бир жиддий операция кутмоқда

Формула-1 афсонаси, етти карра жаҳон чемпиони Михаэль Шумахер яна жарроҳлик столига ётади.

Афсонавий пилотга бу сафар қон қуйилади. Юрак-қон томир касалликлари бўйича мутахассис Филипп Менаше германиялик чемпионнинг асаб тизимини қайта тиклаш учун юрак хужайраларини кўчириб ўтказади. Бу операциянинг асосий вазифаси ҳисобланади.

Шумахернинг ҳозирги ҳолати ҳақида нейрохирург Николо Аччиари маълумот берди.

"Сўнгги 20 йилда фан илдиз хужайраларини даволашда улкан ютуқларга эришди. Аммо, бу биз ҳали ҳам инсон мияси ҳақида етарлича маълумотга эга эканимизни англатмайди. Ушбу операция қандай натижа беришини олдиндан аниқ айта олмаймиз", - дейди Аччиари.

Эслатиб ўтамиз, Михаэль Шумахер 2013 йилда Альп тоғларида чанғи учаётганда қоятошга боши билан келиб урилган ва ўшандан бери даволаниш муолажаларини давом эттирмоқда.