04 авг 19:27
Янгиликлар

Теннис

Шварцман Лос-Кабоседа тенгсиз бўлди

Мексиканинг Лос-Кабосе шаҳрида ўтказилган теннис турнири аргентиналик Диего Шварцманнинг ғалабаси билан якунланди.

Дунёнинг 27-ракеткаси бўлиб турган Шварцман мусобақанинг ҳал қилувчи финал учрашувида рейтингнинг 28-поғонасидан жой олган америкалик Тейлор Фритцдан 7:6(6), 6:3 ҳисобида устун келди.

Лос-Кабоседаги муваффақиятли иштирок Шварцманга 131 430 евро мукофот пули ҳамда 250 рейтинг очкосини тақдим этди. Бу Диего учун фаолиятидаги учинчи АТP соврини бўлди.