23 мар 13:08
Янгиликлар

Футбол

Симеоне Дибалани "Атлетико"да кўрмоқчи

"Атлетико" ёзги трансфер ойнасида "Рома" ҳужумчиси Пауло Дибалани сафига қўшиб олмоқчи.

Айтишларича, Мадрид клуби бош мураббийи Диего Симеоне аргентиналик футболчини чиндан ҳам ўз жамоасида кўриш истагида. Футболчининг римликлар билан шартномасида хориж клублари учун 12 миллион миқдордаги товон пули кўрсатилган.

Манбага кўра, "Атлетико" раҳбарияти аллақачон ҳужумчининг агентига таклиф жўнатиб, керакли тўловни тўлашга тайёрлигини билдирган. "Матрасчилар" ўтган ёзда футболчининг "Ювентус" билан келишуви тугаши биланоқ, Дибалани қўлга киритмоқчи бўлганди, аммо кейин у "Рома"га ўтишни маъқул кўрди.

Маълумот учун, Пауло жорий мавсум "сариқ-қизиллар" сафида 29 та ўйин ўтказиб, 13 та гол урди ва 8 та голли узатмани амалга оширди.