Симона Халеп Прагани забт этди ЁРҚИН ФОТОГАЛЕРЕЯ

Prague Open турнирининг бош соврини руминиялик теннис маликаси Симона Халепга насиб этди. Сайёрамизнинг иккинчи ракеткаси ҳал қилувчи финал учрашувида рейтингнинг 23-поғонасидан жой олган бельгиялик рақибаси Элизе Мертенсдан устун келди - 6/2, 7/5.

Финал учрашуви 91 дақиқа давом этган. Ўзаро учрашувларда Симона энди 4:1 ҳисобида олдинга чиқиб олди. Прага турниридаги муваффақиятли иштирок Халепга 25,000 доллар мукофот пули ҳамда 280 рейтинг очкосини тақдим этди. Бу Симонанинг мавсумдаги иккинчи, фаолиятидаги 21-соврин эди. Мертенс эса 14,000 доллар ҳамда 180 очкога эга бўлди.