Симона Халеп рестартни қийин ғалаба билан бошлади

Руминиялик теннис маликаси Чехия пойтахтида ўтказилаётган Prague Open турнирининг илк даврасида рейтингнинг 46-поғонасидан жой олиб турган словениялик Полона Херцогни қийинчилик билан таслим этди - 6/1, 1/6, 7/6(3).

Учрашув 90 дақиқа давом этган. Ҳар икки теннисчи ҳам биттадан эйс зарбасини амалга оширишди. Ўзаро учрашувларда Халеп 3:1 ҳисобида олдинда бормоқда. Энди Симона иккинчи босқич баҳсида чехиялик Барбора Крейчиковага қарши кортга чиқади.