Синдаров Алиреза Фирузджани мағлуб этди, жамоаси ҳамон пешқадам!

Унда ўз таркибига юлдуз шахматчиларни жамлаган олтита жамоа ғолиблик йўлида баҳс олиб бормоқда. Ҳамюртимиз Жавоҳир Синдаров мусобақанинг бу йилги мавсумида Fyers American Gambits жамоаси шарафини ҳимоя қилмоқда. Жавоҳирнинг жамоасида қозоғистонлик Бибисара Ассаубаева, россиялик Данил Дубов, ҳиндистонлик Ниҳал Сарин, франциялик Марк-Андриа Маурицци ҳамда испаниялик халқаро мастер Сара Ҳадем ҳам бор. Синдаров жамоасининг биринчи —  Icon тахтасида дона сурмоқда.

Tech Mahindra Global Chess League турнирининг навбатдаги куни Жавоҳир Синдаров сардорлигидаги Fyers American Gambits жамоаси муҳим ғалабани қўлга киритди. Бу сафар франциялик таниқли гроссмейстер Алиреза Фирузджа бошчилигидаги Triveni Continental Kings жамоаси 8:5 ҳисобида таслим этилди. Биринчи доскада Синдаров Фирузджани таслим этди ва жамоасига муҳим ғалабани олиб берди. Боиси, қолган қарама-қаршиликларнинг барида дуранг натижа қайд этилди. 

Бугунги тур учрашувлари олдидан Синдаров бошчилигидаги Fyers American Gambits 12 очко билан қўшимча кўрсаткичларга кўра пешқадамликни сақлаб қолди. Магнус Карлсен бошчилигидаги Alpine Apl Pipers жамоаси ҳисобида ҳам 12 очко бор ва бу клуб иккинчи поғонадан жой олган. Ganges Grandmasters жамоаси 12 очко билан кучли учликка якун ясаган. 

Бугун Fyers American Gambits Ganges Grandmasters жамоасига қарши баҳс олиб боради.  Биринчи доскада Жавоҳир Синдаров россиялик Ян Непомняшийга қарши дона суради. Рақиб жамоа таркибида америкалик гроссмейстерлар Левон Аронян ва Леньер Домингес ҳам бор.