Сингапурда Корея ва Қатар спорти раҳбарлари билан учрашувлар ўтказилди

Унда Ўзбекистон томонидан Спорт вазирлиги ва Миллий Олимпия қўмитаси раҳбарияти, Корея Республикаси томонидан мамлакат Спорт ва Олимпия қўмитаси Президенти Сёнг Мин Рю иштирок этди.

Музокаралар давомида келгусида икки давлат Миллий Олимпия қўмиталари ўртасида ҳамкорлик бўйича йўл харитаси ишлаб чиқилиши, терма жамоалар ўртасида қўшма ўқув-машғулот йиғинлари ташкил этилиши ва тизимни ривожлантиришда тажриба алмашиш каби масалалар муҳокама қилинди.

Бундан ташқари, мусобақа доирасида Миллий Олимпия қўмиталари ассоциацияси биринчи вице-президенти, Қатар Олимпия қўмитаси Президенти Шайх Жавъан бин Ҳамад Ол Соний билан ҳам учрашув ташкил этилди. Суҳбатда Ўзбекистон ва Қатар ўртасидаги кўпқиррали алоқаларни спорт соҳасида янги босқичга олиб чиқиш каби устувор вазифалар муҳокама қилинди.