Sinquefield Cup 2025. Нодирбек Абдусатторов очко олди

Grand Chess Tour’нинг якуний классик босқичи 29 августга қадар давом этади ва айланма тизимда 9 турдан иборат бўлади. Ушбу босқич GCT очколари учун сўнгги имконият ҳисобланади. Дунёнинг кўзга кўринган ва рейтинги юқори бўлган 10 нафар гроссмейстери қатори ҳамюртимиз Нодирбек Абдусатторов (2771) ҳам совринли ўринлар учун баҳс олиб бормоқда. 

Гроссмейстеримиз ўтказилган 5 та учрашувнинг 3 тасида рақибларига имкониятни бой берди, 2 тасида эса дурангга рози бўлди. Учинчи турда ҳиндистонлик Рамешбабу Праггнанандҳа (2779), кеча 5-турда америкалик Сэм Севиан билан муросага келди.  Бешинчи турнинг барча партияларида томонлар дурангга имзо чекишган. 

Бугун Sinquefield Cup 2025 турнирида дам олиш куни сифатида эълон қилинган. Эртага ўтказиладиган 6-турда ҳамюртимиз оқ доналарда франциялик Максим Вашье-Лагравга қарши баҳс олиб боради. Максим 5 имкониятдан 2,5 очко жамғариб, қўшимча кўрсаткичларга кўра 5-ўринни банд этган. Тўртинчи ўриндаги Уэсли Со, 8-поғонадаги Гукеш Доммараджу ҳисобида ҳам 2,5 очкодан бор. Нодирбек эса 1 очко билан охирги 10-ўринни эгаллаб турибди. 

Sinquefield Cup 2025. 5-тур натижалари:

Ян-Криштоф Дуда (Польша) - Гукеш Доммараджу (Ҳиндистон) 1/2-1/2

Фабиано Каруана (АҚШ) - Уэсли Со (АҚШ) 1/2-1/2

Сэм Севиан (АҚШ) - Нодирбек Абдусатторов (Ўзбекистон) 1/2-1/2

Алиреза Фирузджа (Франция) - Левон Аронян (АҚШ) 1/2-1/2

Максим Вашье-Лаграв (Франция) - Рамешбабу Праггнанадҳа (Ҳиндистон) 1/2-1/2

Sinquefield Cup 2025. 6-тур жуфтликлари:

Нодирбек Абдусатторов (Ўзбекистон) - Максим Вашье-Лаграв (Франция)

Гукеш Доммараджу (Ҳиндистон) - Алиреза Фирузджа (Франция) 

Рамешбабу Праггнанадҳа (Ҳиндистон) - Ян-Криштоф Дуда (Польша)

Сэм Севиан (АҚШ) - Фабиано Каруана (АҚШ) 

Левон Аронян (АҚШ) - Уэсли Со (АҚШ)