Sinquefield Cup 2025. Нодирбек Абдусатторов яна очко олди

Grand Chess Tour’нинг якуний классик босқичи айланма тизимда 9 турдан иборат бўлиб, GCT очколари учун сўнгги имконият ҳисобланади. Дунёнинг кўзга кўринган ва рейтинги юқори бўлган 10 нафар гроссмейстери қатори ҳамюртимиз Нодирбек Абдусатторов (2771) ҳам совринли ўринлар учун баҳс олиб бормоқда. 

Гроссмейстеримиз ўтказилган 6 та учрашувнинг 3 тасида рақибларига имкониятни бой берди, қолган ярмида эса дурангга рози бўлди. Олтинчи турда франциялик Максим Вашье-Лагравга қарши оқ доналарда ўйнаб, дурангга имзо чекди. Олтинчи турнинг қолган барча партияларида ҳам шахматчилар муросага келишди. 

Бугун Sinquefield Cup 2025 турнирида 7-тур ўйналади. Ҳамюртимиз қора доналарда польшалик Ян-Криштоф Дудага қарши баҳс олиб боради. Марказий учрашув турнир жадвалида биринчи ва иккинчи ўринни эгаллаб турган америкалик гроссмейстерлар Фабиано Каруана ва Левон Аронян ўртасида бўлиб ўтади. Каруана 6 имкониятдан 4 очко жамғариб, якка карвонбошилигини давом эттирмоқда. Аронян ва Рамешбабу Праггнанандҳа 3,5 очко жамғариб, кучли учликка якун ясаган. Нодирбек эса 1,5 очко билан охирги 10-ўринни эгаллаб турибди. Абдусатторовнинг бугунги рақиби Дуда 2,5 очко билан 9-поғонадан жой олган. Агар бугун шахматчимиз ғалаба қозона олса, очколарини Дудага етказиб олади.  

Sinquefield Cup 2025. 6-тур натижалари:

Нодирбек Абдусатторов (Ўзбекистон) - Максим Вашье-Лаграв (Франция) 1/2-1/2

Гукеш Доммараджу (Ҳиндистон) - Алиреза Фирузджа (Франция) 1/2-1/2

Рамешбабу Праггнанадҳа (Ҳиндистон) - Ян-Криштоф Дуда (Польша) 1/2-1/2

Сэм Севиан (АҚШ) - Фабиано Каруана (АҚШ) 1/2-1/2

Левон Аронян (АҚШ) - Уэсли Со (АҚШ) 1/2-1/2

Sinquefield Cup 2025. 7-тур жуфтликлари:

Фабиано Каруана (АҚШ) - Левон Аронян (АҚШ)

Максим Вашье-Лаграв (Франция) - Сэм Севиан (АҚШ)

Уэсли Со (АҚШ) - Гукеш Доммараджу (Ҳиндистон) 

Ян-Криштоф Дуда (Польша) - Нодирбек Абдусатторов (Ўзбекистон)

Алиреза Фирузджа (Франция) - Рамешбабу Праггнанадҳа (Ҳиндистон)