Sinquefield Cup. Нодирбек Абдусатторов пешқадам билан ўйнади

Grand Chess Tour мусобақасининг бешинчи босқичи ҳисобланган ушбу турнирнинг мукофот жамғармаси 350 000 АҚШ долларини ташкил этади. Ғолиб шахматчи 100 000 долларга эга чиқади. Мусобақада дунёнинг 10 нафар кучли гроссмейстерлари бош соврин учун баҳсларга киришди. Улар орасида жаҳон чемпиони Нодирбек Абдусатторов (2762) ҳам бор. 

Турнирнинг 2-турида ҳамюртимиз оқ доналарда пешқадам Алиреза Фирузжа (Франция, 2751)га оқ доналарда ўйнаб, дурангга имзо чекди. Нодирбек 1-турда қора доналарда Рамешбабу Прагнанандҳа (Ҳиндистон, 2749) билан муросага келганди. Алиреза эса 1-турда турнирда ҳозиргача ягона бўлиб турган ғалабага эришганди. У қора доналарда ҳаракат қилганига қарамай, турнирнинг биринчи рақамли иштирокчиси, америкалик Фабиано Каруанани мағлуб этишни уддалаганди. Иккинчи турнинг барча партияларида гроссмейстерлар муроса кўчасини танлашди. 

Турнир иштирокчилари: Фабиано Каруана (АҚШ, 2793), Ян Непомнящий (FIDE, 2767), Доммараджу Гукеш (Ҳиндистон, 2766), Нодирбек Абдусатторов  (Ўзбекистон, 2762), Уэсли Со (АҚШ, 2751), Алиреза Фирузжа (Франция, 2751), Рамешбабу Прагнанандха (Ҳиндистон, 2749), Аниш Гири (Нидерландия, 2746), Дин Лижэнь (Хитой, 2745), Максим Вашье-Лаграв (Франция, 2721).

Иккинчи турдан сўнг турнир жадвалида Фирузжа 1,5 очко билан якка пешқадамлигини давом эттирмоқда. Фабиано Каруана 0,5 очко билан сўнгги 10-поғонадан жой олган. Қолган барча гроссмейстерлар ҳисобида 1 тадан очко бор. Нодирбек қўшимча кўрсаткичларга кўра 4-ўринни эгаллаб турибди. Бугун Абдусатторов қора доналарда аутсайдер Каруанага қарши баҳс олиб боради.