Сирожиддин Ҳасановни табриклаймиз!

Бухоро шаҳрида таваллуд топган Сирожиддин кичик ёшлигидан эркин курашга меҳр қўйди. Бу қизиқиш уни пойтахт сари етаклаб келди. Ҳасанов Республика олимпия захиралари коллежи, кейин Ўзбекистон Жисмоний тарбия ва спорт университетида таҳсил олди. Ўзбекистон Республикасида хизмат кўрсатган спорт устози Латиф Халимов қўл остида эркин кураш сир-арорларини ўрганди. 

Сирожиддин Ҳасанов -65 кг (олимпиада вазни) вазн тоифасида кўп карра Ўзбекистон чемпиони, Осиё ўйинлари ҳамда Осиё чемпионати совриндори, кўплаб халқаро мусобақалар ғолиби, жаҳон чемпионатлари иштирокчиси ҳисобланади. Келаси ҳафта у бўйдоқлик билан ҳам хайрлашади. 

Фурсатдан фойдаланиб, Сирожиддин Ҳасановга келгуси мусобақаларда ғалабалар ҳамроҳи бўлишини тилаймиз. Катта ҳаёт остонасида турган бугунги қаҳрамонимиз бахтли ҳаёт кечирсин. Спорт ва ҳаётдаги йўли ҳамиша нурафшон бўлсин!