01 май 16:11
Янгиликлар

Футбол

Sky Sports: "Атлетико" Альваресни 150 миллион еврога баҳолаган

Мадриднинг "Атлетико" клуби ҳужумчи Хулиан Альваресни сотмоқчи эмас.

Аммо 26 ёшли футболчининг потенциал трансферини 130 миллион фунт (150 миллион евро) деб баҳоламоқда. Бу ҳақда Sky Sports хабар бермоқда.

Аввалроқ оммавий ахборот воситалари аргентиналик ҳужумчига "Арсенал", "Барселона" ва ПСЖ қизиқиш билдираётганини таъкидлаган эди.

Манбага кўра, агар "Атлетико"ни тарк этадиган бўлса, Альварес карьерасини Каталонияда сафида давом эттиришни афзал кўрмоқда.

Ҳужумчи "Атлетико"да 2024 йил ёзидан бери ўйнайди. Жорий мавсумда у барча мусобақаларда 48 та ўйинда иштирок этиб, 20 та гол урди ва 9 та голли узатма берди. Футболчининг "матрасчилар" билан шартномаси 2030 йил ёзигача мўлжалланган. Трансфермаркт порталидаги маълумотларга кўра, унинг бозор қиймати 90 миллион евро.