Собиқ UFC чемпиони Алекса Грассога жанг берилди

У 10 май куни Канаданинг Монреал шаҳрида ташкил этиладиган UFC 315 турнири доирасида октагонга чиқади. Грассонинг рақибаси бразилиялик Наталия Сильва бўлади. 

Маълумот учун, 28 ёшли Сильва 6 та ғалабали серия билан келмоқда. Сўнгги жангида собиқ UFC чемпиони Жессика Андрадени мағлубиятга учратганди. 31 ёшли Алекса Грассо эса 2023 йилдан бери қирғизистонлик Валентина Шевченко билан учта жанг ўтказди. Жангларнинг биринчисида у шов-шувли тарзда Шевченкодан чемпионлик камарини тортиб олди. Иккинчи жангда дуранг қайд этилди. Трилогияда эса ҳакамлар қарорига кўра мағлуб бўлди. 

Таққослаш учун, айни пайтда Алекса Грассо UFC рейтингида биринчи, Наталия Сильва эса бешинчи ўринни эгаллаб турибди. Катта эҳтимол билан бу жанг чемпионлик учун даъвогар номини аниқлаб беради.