Собиқ UFC чемпиони ҳамда даъвогари ўртасида камар учун бокс жанги ўтказилди

Аниқроғи, ўрта вазн тоифасида UFC камари учун собиқ даъвогар Даррен Тилл собиқ UFC чемпиони Люк Рокхолдга қарши Misfits Boxing компанияси томонидан ташкил этилган бокс турнирида рингга кўтарилди. 

Жангнинг учинчи раунди ўтиб бораётган бир паллада Даррен Тилл рақибини чап қўл хук зарбаси билан чуқур нокаутга учратди. Британиялик аралаш яккакураш устаси ушбу ғалабаси эвазига Misfits Boxing камарини қўлга киритди. Нокаутга қадар Даррен Рокхолдни биринчи ва иккинчи раундларда нокдаун ҳолатига ҳам тушириб қўйганди.