13 июн 11:38
Янгиликлар

Бокс/ММА

Собиқ UFC чемпиони октагонга чиқади, рақиб ва жанг санаси маълум

Оғир вазнда собиқ UFC чемпиони Жуниор дос Сантос навбатдаги жангини 15 август куни ўтказади.

Унинг UFC 252 турнири доирасидаги рақиби Жаирзиньо Розенстрайк бўлади, деб хабар бермоқда MMA Fighting.

Жуниор дос Сантос учун бу жанг 2020 йил ҳисобидан иккинчиси бўлади. Январь ойида у Кёртис Блейдсга имкониятни бой бериб қўйганди. Бразилиялик спортчи охирги иккита жангида ютқазган. Блейдсдан аввал Фрэнсис Нганну ҳам собиқ жаҳон чемпионини нокаутга учратган эди.

Суринамлик 32 ёшли Розенстрайк ҳам жорий 2020 йил ҳисобидан жанг ўтказишга муваффақ бўлган. Ўтган ойда у ҳам айнан Нганнуга муддатидан аввал ютқазиб қўйган эди. Жаирзиньо учун бу фаолиятидаги биринчи мағлубият эди.

Эслатиб ўтамиз, UFC 252 турнирининг марказий жанги оғир вазн қироллари - чемпион Стипе Миочич ҳамда Даниэл Кормье ўртасида бўлиб ўтади.