Собиқ UFC чемпиони Стипе Миочичдан кутилмаган қарор!

Учинчи раундда Жон тажрибали рақибини нокаутга учратди. Стипе жангдан кейин Жо Роганга интервью берди ва унда фаолиятии якунлаганини эълон қилди.  

"Мен ютқаздим ва бу жуда ёмон ҳолат. Рақибим октагонда яхши спорт формасида бўлишини билгандим. У тарихдаги энг зўрларидан. Ўз ўрнида мен ҳам бу жангга жиддий тарзда тайёргарлик кўрган эдим. Ўзимни яхши ҳис қилиб тургандим. Жонс томонидан берилган бу зарбани олдиндан билиб, қайтаришга тайёр эдим. Аммо зарба блокдан ўтиб, тўғри қовурғамга тегди. Ҳаммаси кутилган ва бунга тайёр бўлгандим. Начора, Жонсни ғалаба билан табриклайман. У ўз ишини қилди ва ғалаба қозонди. Унинг ёнида шляпамни ечаман ва келгуси жангларида омад тилайман. Мен учун эса ҳаммаси тугади. Қўлқопларимни михга илиш фурсати етди. Ҳа, бугунги жанг билан фаолиятимни якунладим. Ҳаммаси учун Яратганга шукур!", - деди америкалик 42 ёшли Миочич.