06 ноя 08:00
Янгиликлар

Бокс/ММА

Собиқ UFC жангчиси Андерсон Bellator`да дебют қилди

АҚШнинг Коннектикут штати Анкасвилл шаҳрида аралаш яккакураш қоидалари бўйича Bellator 251 турнири бўлиб ўтди.

Оқшомнинг марказий жангида Нидерландия вакили Мелвин Манхуф ҳамда америкалик Кори Андерсон ўзаро тўқнаш келишди. Бу собиқ UFC жангчиси ҳисобланган Кори учун Bellator промоушенидаги дебют жанг эди.

Беш раундга мўлжалланган марказий жанг муддатидан аввал якунланди. Андерсон иккинчи раундда техник нокаут эвазига рақибини мағлубиятга учратди. Кори Андерсон UFC`да Фабио Мальдонадо, Гловер Тейшейра, Маурисио Руа сингари тажрибали жангчиларга қарши октагонга кўтарилгани билан эсда қолган. Улардан Фабио ва Гловерни мағлуб этган. Андерсон ҳисобида 13 та ғалаба ва 5 мағлубият бор. Мелвин Махнуфнинг кўрсаткичи эса 32 ғалаба (29 нокаут) ҳамда 15 мағлубиятдан иборат.