Собиқ UFC жангчиси дарёда чўмилиш вақтида бедарак йўқолди

Маҳаллий вақт билан соат 10:00 атрофида Дос Сантосни чўмилиш учун дарёга тушганини кўришган, шундан сўнг у сув юзасига чиқмаган. Дарҳол қидирув-қутқарув ишлари бошланган, аммо ҳозирча спортчининг жасади топилмади.

Маҳаллий ҳокимият вакилларининг таъкидлашича, фожиа дарёнинг хавфли жойида (Амазонка ирмоғи) содир бўлган. У ерда қумли қиялик чуқур жарликлар бўлиб, кучли оқимни ўзида ушлайди.

Маълумот учун, Жеронимо дос Сантос ММАдаги фаолияти давомида ўта оғир вазн тоифаси жангларида иштирок этган. У хусусан, Александр Емельяненко, Сергей Харитонов, Иван Штирков, Виталий Минаков сингари таниқли аралаш яккакураш усталарига қарши октагонга чиққан.