23 фев 08:28
Янгиликлар

Бокс/ММА

Собиқ UFC жангчиси Тошкентга келиши мумкин

Ярим оғир ва оғир вазн тоифаси жангчиси Жаилтон Альмейда АCА Лигаси билан шартнома имзолади.

Бу ҳақда Лига президенти Магомед Бибулатов ижтимоий тармоқлардаги саҳифасида хабар берди. Бразилиялик 34 ёшли аралаш яккакураш устаси ўтган ҳафта UFC ростеридан чиқарилган эди.

Қизиғи шундаки, Альмейдага сўнгги икки мағлубиятни тақдим этган айнан россиялик жангчилар бўлади. 2025 йил октябрь ойида у ҳакамларнинг алоҳида қарори билан Александр Волковга ютқазди, 7 февраль куни эса Ризван Куниевга имкониятни бой бериб қўйди.

АСА Лигаси 8 май куни Тошкентда турнир ташкил қилишини инобатга олсак, Жаилтон Альмейда ҳам Ўзбекистонга келиши мумкин.