03 май 08:05
Янгиликлар
Теннис
Соболенко Мадрид "Мастерс"нинг биринчи 1/2 финалчиси!
Беларуслик теннисчи, жаҳоннинг иккинчи ракеткаси Арина Соболенко Мадрид (Испания)да ўтказилаётган WТА 1000 тоифасидаги турнирнинг ярим финалига йўл олди.
Спортчи уч сетда сайёрамизнинг 59-ракеткаси мисрлик Маяр Шерифни мағлуб этди. Учрашув 2:6, 6:2, 6:1 ҳисобларида якунланди.
Ушбу баҳс роппа-роса 2 соат давом этган. Учрашув давомида Арина Соболенко иккита эйс зарбасини амалга ошириб, тўққизта брейкнинг олтитасидан унумли фойдаланди ва саккиз бор қўшхатога йўл қўйди. Мисрлик теннисчи эса тўртта эйс, иккита қўшхато ва тўртта брейк қайд этди.
Шу тариқа, Арина Соболенко Мадриддаги турнирнинг илк ярим финалчисига айланди. 1/2 финалда беларуслик спортчи грециялик Мария Саккари ёки руминиялик Ирина Бегу билан учрашади.
Ҳавола :
Манба : championat.com
Фикрлар