02 сен 11:41
Янгиликлар

Теннис

София US Open иккинчи даврасига йўл олди

Хабар берганимиздек, шу кунларда АҚШнинг Нью-Йорк шаҳрида "Катта Дубулға" туркумига кирувчи US Open турнири бўлиб ўтмоқда.

Аёллар ўртасидаги баҳсларда сайёрамизнинг тўртинчи ракеткаси София Кенин илк даврада деярли қийинчиликка дуч келмади. Америкалик теннис маликаси 67 дақиқа давом этган учрашувда рейтингнинг 146-поғонасидан жой олган бельгиялик Янина Викмайердан устун келди - 6/2, 6/2.

Теннисчиларнинг ўзаро учрашувларидаги ҳисоб мувозанати тикланди - 1:1. Энди 21 ёшли София иккинчи даврада россиялик Вера Звонарёвдан устун келган канадалик Лейла Фернандесга қарши кортга чиқади.