Сўнгги жангида Мадримовни ютган Ортис ўзи сингари мағлубияти йўқ боксчига қарши WBC камари учун рингга чиқади (ВИДЕО)

Оқшомнинг асосий жанги биринчи ўрта вазн тоифасида вақтинчалик WBC чемпионлик камари учун кечади. Унда ушбу камарнинг эгаси кичик Вержил Ортис ўзи сингари мағлубият нималигини билмай келаётган Эриксон Люблинга қарши рингга кўтарилади. 

Бугун боксчилар расмий тарозидан ўтиш ҳамда face to face маросимларида ҳозир бўлишди. Ортис тарозида рақибидан 100 грамм енгилроқ чиқди - 69,8 кг. Эриксон Любин 69,9 кг вазн қайд этди. Ҳар икки боксчи белгиланган вазн меъёрини бажарди. 

Турнирнинг аҳамияти жиҳатидан иккинчи жанги, яъни co-main event`да америкалик суперўрта вазн тоифаси (76,2 кг.гача) вакиллари Дариус Фулгум ва Дэвид Стивенс ўзаро тўқнаш келади. Фулгума — 76,1 кг; Стивенса — 76,2 кг вазн кўрсатди.

Яна бир жанг биринчи оғир вазн тоифасида ташкил этилади. Унда швециялик Робин Сафар (90,6 кг) ва америкалик Дирик Миллер (89,6 кг) ўзаро рингни иккига бўлишади. Ҳар икки боксчи профессионал фаолияти давомида мағлубиятга учрамаган.