47 ёшли Луис Ортис икки ҳафтада икки рақибини муддатидан аввал мағлуб этди

У икки ҳафта ичида иккита жанг ўтказиб, ҳар иккисида муддатидан аввал ғалаба қозонди. Луис 40 ёшли Эдвард Миллард (2-0, 2КО) устидан биринчи раундда нокаут зафар қучди. Ортис жангнинг дастлабки сонияларидаёқ рақибини нокдаунга учратди, бироқ у ўрнидан туриб, кубаликка деярли дарҳол қарзини қайтаришга муваффақ бўлди. Ортис кўп ўтмай Миллардни яна нокдаунга туширди (бу сафар сезиларли даражада оғирроқ) ва муваффақиятини ривожлантириб, рақибини нокаутга учратди. 

Бу Ортис учун икки ҳафта ичида қўлга киритилган иккинчи ғалаба бўлди. Иккала жанг ҳам Team Boxing League доирасида ўтказилди ва расман кўргазмали мақомга эга бўлди.

Team Boxing League Гран-при форматидаги мусобақаларни ўтказади, унда АҚШнинг турли шаҳарларидан 12 та жамоа иштирок этади. Ҳар бир бокс оқшоми уч дақиқа давом этадиган 24 та жангдан иборат. Ташкилотчиларнинг фикрича, бундай тартиб юқори даражадаги томошабопликни таъминлайди, чунки боксчилар кучларини тежашлари шарт эмас ва улар биринчи сонияларданоқ максимал даражада ишга туширилади.