30 ноя 14:49
Янгиликлар

Футбол

Сўнгги турларда Алиқуловни захирага "михлаб" қўйган мураббий истеъфога чиқарилди

Туркия Суперлигаси 14-тур доирасидаги "Ризеспор" — "Кайсериспор" ўйини бўлиб ўтди.

Унда мезбонлар мағлуб бўлишди. Учрашув якунидан сўнг "Ризеспор" бош мураббийи Илҳан Палут истеъфога чиққанини маълум қилди.

Мураббий 2023 йилнинг ёзидан бери жамоада ишлаб келаётганди. Жамоа жорий мавсум 14-туридан сўнг 14 очко билан турнир жадвалида 12-поғонада кетмоқда.

Маълумот учун, ушбу жамоада Ўзбекистон МТЖ аъзоси Ҳусниддин Алиқулов ҳаракат қилади. Ҳимоячи сўнгги 6 та турда атиги бир дақиқа майдонда ҳаракат қилди.