02 июн 06:03
Янгиликлар

Гимнастика

Спорт гимнастикачиларимиз Жаҳон кубоги босқичидан ёруғ юз билан қайтишди. Кутиб олиш маросимидан ФОТОРЕПОРТАЖ

Болгариянинг Варна шаҳрида бўлиб ўтган спорт гимнастикаси бўйича Жаҳон кубоги босқичида иштирок этган спортчиларимиз Ватанимизга ёруғ юз билан қайтиб келишди.

Ислом Каримов номидаги Тошкент халқаро аэропортида нуфузли турнирда қатнашган гимнастикачиларимиз тантанали равишда кутиб олинди.

Ўзбекистон терма жамоаси спортчилари мустақиллик йилларида, 30 йиллик тарихда биринчи марта учта медаль, яъни битта олтин ва иккита бронза медалига сазовор бўлди.

Токио-2020 Олимпия ўйинларига тайёргарлик вазифасини ўтаб берувчи мазкур мусобақада терма жамоамиз вакилларининг ҳам совриндорлар сафидан жой олгани барча спорт ихлосмандларини мамнун этди.

Терма жамоамизнинг Жаҳон кубоги босқичидаги ютуғи:

Дилдора Орипова (олтин)

Оксана Чусовитина (бронза)

Абдулла Азимов (бронза)