UZ

05 июл 19:48
Янгиликлар

Спорт курашлари

Спорт кураши. Бугун иккита медаль қўлга киритдик, Муштарий - Осиё чемпиони!

Қозоғистоннинг Нур-Султан шаҳрида спорт курашлари (юнон-рум, эркин ва аёллар кураши) бўйича кадетлар ўртасидаги Осиё чемпионати давом этмоқда.

Ушбу қитъа чемпионатида Ўзбекистон терма жамоасининг истеъдодли курашчилари ҳам барча йўналишлар ҳамда вазн тоифаларида гиламга чиқишяпти. Бугун мусобақанинг иккинчи кунги баҳсарида юнон-рум ҳамда аёллар кураши вакиллари медаллар учун баҳс олиб боришди. 

Бугун аёллар курашида 5, юнон-рум кураши баҳсларида эса 3 нафар ҳамюртимиз ўз маҳоратини намойиш этди. Улардан икки нафари якунда шохсупага кўтарилди. 

-71 кг вазн тоифасида юртимиз шарафини ҳимоя қилган юнон-рум курашчимиз Самандар Бобоназаров бронза медалини қўлга киритди. Аёллар кураши мусобақасида қатнашган Муштарий Толипбекова Осиё чемпионига айланди. -40 кг вазн тоифасида гиламга чиққан Муштарий барча рақибаларидан устун келди. 

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг