18 сен 09:59
Янгиликлар
Спорт курашлари, Кураш
Спорт курашлари. Жаҳон чемпионатининг кечаги куни ҳам медалсиз
Грузия пойтахти Тбилиси шаҳри мезбонлик қилаётган ўсмирлар ўртасидаги спорт курашлари, яъни эркин, юнон-рум ҳамда аёллар кураши бўйича жаҳон чемпионати ўз якунига етиб бормоқда.
Йилнинг ушбу нуфузли мусобақасида Ўзбекистон терма жамоаси спортчилари ҳам учта йўналишнинг барчасида медаллар учун баҳсларга киришишганди. Кеча эркин кураш баҳсларида 5та вазн тоифасида ғолиб ва совриндорлар номи маълум бўлди.
Афсуски, 3та вазн тоифасидаги баҳсларда иштирок этган курашчиларимиз илк саралаш учрашувларидаёқ рақибларига имкониятни бой беришди. 50 кг вазн тоифасидаги Фаррух Шокиров нимчорак финалда озарбойжонлик Асқар Маммадалиевга 2:5 ҳисобида ютқазиб қўйди.
58 кг вазндаги Нодир Раҳимов илк саралаш босқичида молдовалик Николай Грахмезга 11:19 ҳисобида учрашувни бой берди. 85 кг вазндаги Давлатбек Ашуров аввалига украиналик Олександр Химишлини 6:2 ҳисобида енгди. Нимчорак финада эса АҚШ вакили Александр Уорнерга 0:10 ҳисобида ютқазди.
Ҳавола :
Манба : olamsport.com
Фикрлар