Спорт курашлари. Окназарова жаҳон чемпионати бронза медали учун гиламга чиқади

Кеча мусобақанинг навбатдаги куни аёллар ўртасидаги беллашувлар ўтказилиб, бугун финал блокида медаллар учун гиламга чиқадиган жуфтликлар маълум бўлди. 

Қувонарлиси, улар орасида ҳамюртимиз Светлана Окназарова ҳам бор. 72 кг вазн тоифасида юртимиз шарафини ҳимоя қилаётган курашчи-қизимиз илк даврада польшалик Патрисия Сперкани 7-0 ҳисобида енгди. Чорак финалда қозоғистонлик рақибасига имкониятни бой бериб қўйди. Жамила Бакбергенова финалга йўл олгани боис, Окназарова бронза медали учун курашиш ҳуқуқини қўлга киритди. Унинг рақибаси руминиялик Александра Анхель бўлади. 

Яна бир курашчимиз Лайлохон Собирова ҳам 1/4 финалга етиб келди. Фақат уни ушбу босқичда таслим этган мўғулистонлик Даваачимег Ерхембайар финалга чиқа олмади. Натижада 57 кг вазндаги Собирова жаҳон чемпионатини 1/4 финалда якунлади. У илк босқичда мексикалик Алма Эскотони таслим этган эди.