Спорт курашларида 2021 йилнинг энг яхшилари + ФОТО

Кутилганидек, Токио Олимпиадасининг бронза медали совриндори Бекзод Абдураҳмонов "Йилнинг энг яхши эркин курашчиси" бўлди. Жалгасбай Бердимуратов "Йилнинг энг яхши юнон-рум курашчиси", Жасмина Иммаева эса "Йилнинг энг яхши аёл эркин курашчиси" деб топилди.

Аҳмад Жумаев "Йилнинг энг яхши эркин кураш мураббийи", Валижон Жонхўрозов "Йилнинг энг яхши юнон-рум кураши мураббийи", эркин кураш бўйича ўсмирлар ўртасида жаҳон чемпиони Камронбек Кадамов "Йилнинг энг яхши ёш курашчиси", халқаро тоифадаги рефери Собир Қўзиев "Йилнинг энг яхши ҳаками" дея эътироф этилди.   

Шунингдек, эркин ва юнон-рум кураши бўйича миллий терма жамоа бош мураббийлари Олимжон Ҳикматов ҳамда Равшан Рўзиқулов ҳам Ўзбекистон спорт курашлари ассоциацияси томонидан тақдирланди.