12 янв 19:11
Янгиликлар

Тадбирлар

Спорт майдонида нуронийлар + ФОТО

Теглар : Ватан ҳимоячилари куни Қашқадарё

Айни кунларда мамлакатимизнинг барча ҳудудларида 14 январь – Ватан ҳимоячилари куни ҳамда Ўзбекистон Республикаси Қуролли Кучлари ташкил этилганининг 28 йиллиги муносабати билан маданий-маърифий ва спорт тадбирлари ўтказилмоқда.

Хусусан, Зангиота туман ҳокимлиги, Тошкент вилояти жисмоний тарбия ва спорт бошқармаси, туман жисмоний тарбия ва спорт бўлими, туман болалар-ўсмирлар спорт мактаби, Нуроний жамғармаси туман бўлими билан ҳамкорликда Ватан ҳимоячилари кунига бағишлаб, ёши улуғ нуронийлар ўртасида спортнинг сузиш, енгил атлетика, стол тенниси, шахмат ва шашка турлари бўйича ўзига хос беллашувлар бўлиб ўтди.

Туманда истиқомат қилаётган 200 нафардан ортиқ 60 ёшдан 90 ёшгача бўлган нуроний отахонлар шу куни жисмоний имкониятарини синовдан ўтказишди.

Дастлаб, отахонлар эрталабки бадантарбия машғулотларида иштирок этишди. Шундан сўнг, мусобақаларга старт берилди. Қизиқарли ва ажойиб тарзда ўтган беллашувларнинг якуний натижаларига кўра, ғолибликни қўлга киритган отахонлар ташкилотчилар томонидан диплом ва эсдалик совғалари билан мукофотланишди.