Спорт вазири Адҳам Икрамов Жиззах вилоятига борди

Дасталаб, Жиззах олимпия ва паралимпия спорт турларига тайёрлаш маркази ҳамда Жиззах шаҳридаги Яккакураш спорт турларига ихтисослаштирилган спорт мактабига ташриф буюрган Адҳам Икрамов амалга оширилаётган ишларни кўздан кечирди. 

Спорт вазири томонидан масъулларга шароитларни янада яхшилаш ва  спортчи-ўқувчиларга кенг имкониятлар яратиш бўйича кўрсатмалар берилди.

Шундан сўнг, А. Икрамов Жиззах вилояти ҳокими Эргаш Солиев билан биргаликда "Беш ташаббус олимпиядаси" аренаси, Сўғдиёна ПФК, Сув спорти ва гимнастика ихтисослаштирилган спорт мактаблари ҳамда футбол академияларида яратилган шарт-шароитлари билан танишишди.

Раҳбарлар томонидан масъулларга ҳудудда соҳани янада ривожлантириш, камчиликларни таҳлил қилган ҳолда муаммоларни жойида бартараф этиш бўйича керакли тавсиялар берилди.