21 июн 10:06
Янгиликлар

Бошқалар

Спорт вазири анъанавий йога фестивалида иштирок этди

Бугун пойтахтимизнинг Мирзо Улуғбек номидаги марказий хиёбонида 21 июнь - Халқаро йога куни муносабати билан йога фестивали ташкил этилди.

Фестивалнинг очилиш маросимида Спорт вазири Адҳам Икрамов, Ҳиндистоннинг Ўзбекистондаги элчиси Смита Пант хоним, турли корхона ва ташкилотларнинг ишчи-ходимлари, Йога маркази аъзолари, ўқувчи ёшлар, маҳаллий аҳоли вакиллари ва хорижий меҳмонлар иштирок этди.

Йога фестивали 2019 йилдан буён мамлакатимизда анъанавий тарзда ташкил этилмоқда, ва йилдан йилга ушбу спорт турига қизиқувчилар сони ортиб бормоқда.

Таъкидлаш лозим, шу йилнинг 25-27 апрель кунлари Ҳиндистоннинг Нью-Дели шаҳрида йога спорт тури бўйича бўлиб ўтган иккинчи Осиё чемпионатида ўзбекистонлик спортчилар иштирок этиб, турли йўналишларда жами 26 та медалга эга чиқишганди.