Спорт вазирининг навбатдаги манзили - Сирдарё вилояти!

Ўзбекистон Республикаси Спорт вазири Адҳам Икрамов Президентимиз томонидан белгилаб берилган вазифалар ижросини таъминлаш, жойларда оммавий ва профессионал спортни ривожлантириш борасидаги ишларни жонлантириш мақсадида Сирдарё вилоятида хизмат сафарида бўлди. 

Кеча ўрганиш ишлари дастлаб Сирдарё тумани спорт мактаби ва унинг Бахт, Малик филиаллари, шунингдек тумандаги 39-умумтаълим мактаби ҳамда Сайхунобод тумани спорт мактабларида олиб борилди.

Спорт мактабида машғулот жараёнлари ва инфратузилмаси, шунингдек, тумандаги умумтаълим мактабларида маҳалла ёшлари ва спортчиларни қўллаб-қувватлаш бўйича амалга ошириши лозим бўлган ишлар ўрганилди.