Стерлинг Пётр Ян билан Хабиб услубида жанг қилишга ваъда берди

"Менимча, Ян билан ҳали ҳеч ким партерда Хабиб Нурмагомедовдек кучли прессинг билан жанг қилмаган. Бу жанг темпини бутунлай ўзгартириб юборади. Ян зарбалар орқали бундан сақланишга ҳаракат қилади, лекин менга биргина тейкдаун етарли. Юзта ҳаракатимни у бартараф этган тақдирда ҳам, мен уни бир юз биринчи уринишда ағдараман. 

Пётрни қоронғу дамлар кутиб турибди. Албатта, у мени стойкада ушлашга ҳаракат қилади, шу сабаб мен қўлларимни баландроқ кўтариб жанг қилишим лозим. Ишонтириб айтаманки, бу кеча Пётр Ян учун яхши ўтмайди", - деди Стерлинг.