"Странжа". Кечаги кун дастурида 8 боксчимиздан 5 нафари имкониятни бой берди

Кичик жаҳон чемпионатига тенглаштириладиган ушбу мусобақанинг иккинчи куни 8 нафар боксчимиз рингга кўтарилди. Афсуски, улардан 5 нафари рақибларига имкониятни бой бериб, турнирдаги иштирокларини эрта якунлашди. 

Жавоҳир Умматалиев (-75 кг) ирландиялик Жошуа Оланиянни, Жаҳонгир Зокиров (+92 кг) озарбайжонлик Маҳаммад Абдуллаевни, Тўрабек Хабибуллаев (-92 кг) эса англиялик Исаак Окохдан устун келиб, кейинги босқичга йўл олди. 

Акмалжон Исроилов (-86 кг) қозоғистонлик Бекзад Нурдаулетовга, Арман Маханов (+92 кг) ирландиялик Годстиме Идемудиага, Абдураҳмон Рустамов (+92 кг) англиялик Дамар Томасга, Саят Илясов (-63,5 кг) ирландиялик Клэнси Деанга, Нурислом Исмоилов (-80 кг) италиялик Алфред Кромвеллга ютқазиб қўйди. 

Таъкидлаш жоиз, терма жамоамиз ушбу мусобақада аралаш таркиб, асосан ёшлар билан иштирок этяпти.