Страйклар серияси: Ўзбекистонлик боулингчи илк маротаба жаҳоннинг энг кучлилари сафида

Мусобақада жаҳоннинг 133 мамлакати қаторида ўзбекистонлик боулингчилар ҳам юртимиз шарафини ҳимоя қилишмоқда. Терма жамоамиз сафида Даврон Тўйчиев, Равшан Абдусамадов, Олим Мухторов, Абдурахим Абдужабборов ва Зокир Эгамбердиев баҳсларда қатнашмоқда. 

Қувонарлиси, Даврон Тўйчиев ва Равшан Абдусамадов тандеми саралаш баҳсларини муваффақиятли ўтказиб, гуруҳ босқичига йўл олишди. 

Гуруҳ баҳсларида эса ҳамюртимиз Даврон Тўйчиев барча уринишни муваффақиятли якунлаб, кун якунига кўра энг яхши натижани қайд этди. Яъни у 12 та страйкни амалга ошириб, йиғиш мумкин бўлган 300 очкони тўплай олди. Тўйчиев бу натижани АҚШ вакили Энди Жонсонга қарши баҳсда кўрсатди ва кейинги босқичга йўл олди. 

Қайд этиш лозимки, боулингчиларимиз бунгача кучли 32 нафар спортчи ичига киришмаганди.