14 авг 18:00
Янгиликлар

Енгил атлетика, Осиё ўйинлари

Суҳроб Ходжаев: "Жакартага медаллар учун бораман"

Бир неча кундан сўнг старт оладиган Осиё ўйинларида иштирок этувчи спортчиларимизнинг фикрларини эътиборингизга тақдим этамиз.

Суҳроб Ходжаев (енгил атлетика):

"Тўрт йил олдин Инчеонда ўтказилган Осиё ўйинларида ҳам иштирок этиб, бешинчи поғонадан жой олгандим. Бу вақт оралиғида машғулотлар олиб бордим. Фақатгина расмий мусобақаларда, Осиё ва жаҳон чемпионатларида, Олимпия ўйинларида иштирок этдим. Жакартадаги мусобақада мақсадим жиддий. У ерга медаллар учун бораман. Бу албатта қийин бўлади. Чунки, рақобат катта. У ерда қатарлик ва тожикистонлик кучли рақибларим бор. Тожикистон терма жамоаси аъзоси Дилшод Назаров Риодаги Олимпия ўйинлари чемпиони ҳисобланади. Осиё ўйинларида максимум натижани кўрсатишга ҳаракат қиламан", - деди Ходжаев.