Султонов бу ҳафта Калабурагида ўз имкониятини синовдан ўтказади

Мукофот жамғармаси 25 000 АҚШ долларини ташкил қилувчи турнирда ҳамюртимиз Ҳумоюн Султонов ҳам ўз маҳоратини намойиш этади. Мамлакатимизнинг биринчи ракеткаси M25 тоифасига кирувчи ушбу турнирда ҳам биринчи рақам остида сараланган. 

Қуръа натижасига кўра, Султонов илк давра учрашувида ҳиндистонлик Вишу Варданга қарши кортга чиқади. Бу баҳс эртага, 20 ноябрь куни бизнинг вақт билан соат 09:30да бошланади. Агар Ҳумоюн Вишунинг тўсиғидан ўтиб олса, уни 1/8 финалда яна бир ҳинд теннисчиси Сринивасан Коданча қарши олади. 

Таққослаш учун, Султонов ATP рейтингида 230, Вардан 1165, Сринивисан эса 1781-поғонадан жой олган. Бугун Ҳумоюн мусобақанинг жуфтликлар баҳсидаги иштирокини бошлайди. У илк даврада германиялик Лукас Делиано билан бирга ҳиндистонлик теннисчиларга қарши кортга чиқади.

Яна бир маълумот, асосий тўрда 7 нафар хорижлик теннисчилар бўлиб, қолганлари мезбонлар ҳисобланади.