Султонов чарчади, у рейтингда ўзидан 200 поғона қуйидаги теннисчига ютқазди

Мукофот жамғармаси 25 000 АҚШ долларини ташкил этувчи ушбу мусобақада ҳамюртимиз Ҳумоюн Султонов ҳам ўз имкониятини синовдан ўтказяпти. Мамлакатимизнинг биринчи ракеткаси ўтган ҳафта айнан турнирда чемпион бўлган эди. Бироз аввал Султонов 1/4 финал баҳсини ўтказди ва афсуски, рақибига имкониятни бой берди. 

ATP рейтингида 285-ўринни эгаллаб турган Ҳумоюн португалиялик Фредерико Сильвага қарши кортга чиқди. Турнирда иккинчи рақам остида таснифланган ҳамюртимиз 89 дақиқа давом этган баҳсда ўзидан деярли 200 поғона қуйида бораётган, аниқроғи, рейтингда 480-ўриндан жой олган мезбонлар вакилига 4/6, 1/6 ҳисобида имкониятни бой берди. Энди Султонов бор эътиборини жуфтликдаги иштирокига қаратади.