07 мар 09:31
Янгиликлар

Теннис

Султонов рейтингда ўзидан деярли 200 поғона қуйидаги теннисчига ютқазди

Грециянинг Крит оролидаги Херсонисос водийсида теннис бўйича "Челленжер" туркумидаги ATP турнири бўлиб ўтмоқда.

Афсуски, мамлакатимизнинг биринчи ракеткаси Ҳумоюн Султонов иккинчи даврадаёқ ўз юришини тўхтатди. 26 ёшли ҳамюртимиз британиялик Райан Пенистонга деярли қаршилик кўрсата олмади. Саксон икки дақиқа давом этган баҳсда 29 ёшли Райан 6/4, 6/2 ҳисобида зафар қучди.

Таққослаш учун, Ҳумоюн Султонов ATP рейтингида 218, Пенистон 406-ўринни эгаллаб турибди. Юртдошимиз Херсонисос "Челленжер"ида иккинчи рақам остида сараланган эди.