22 фев 11:00
Янгиликлар

Теннис

Султонов Вила-Реал-ди-Санту-Антониудаги юришини бошлади

Португалиянинг Вила-Реал-ди-Санту-Антониу порт шаҳрида теннис бўйича ITF25 тоифасига кирувчи турнири бўлиб ўтмоқда.

Мукофот жамғармаси 25 000 АҚШ долларини ташкил этувчи ушбу мусобақада ҳамюртимиз Ҳумоюн Султонов ҳам ўз имкониятини синаб кўрмоқда. Турнирда иккинчи рақам остида таснифланган теннисчимиз 1/16 финалда ирландиялик Осгар О`Хойсинни ортиқча қийинчиликсиз таслим этди - 6/2, 6/1.

Таққослаш учун, Ҳумоюн ATP рейтингида 354, Осгар эса 1038-поғонадан жой олган. Бу теннисчиларнинг ўзаро ўтказган илк учрашуви эди. Бугун мамлакатимизнинг биринчи ракеткаси 1/8 финалда россиялик Ярослав Деминга қарши кортга чиқади. Демин рейтингнинг 817-поғонасидан жой олган.