Султоновни 1/2 финалда мағлуб этган теннисчи Пунада чемпион бўлди

Чехиялик теннисчи сўнгги бор 2021 йилда бу тоифадаги турнирда чемпион бўлганди. Сврчина ҳал қилувчи финал баҳсида дунёнинг 153-ракеткаси америкалик Брэндон Холтни 7/6(3), 6/1 ҳисобида мағлуб этди.Тўқсон бир дақиқа давом этган финал баҳсида иккала теннисчи ҳам 2 тадан эйс зарбасини амалга оширган. Брейклар бўйича устунлик ҳам чех томонида бўлди - 4 га 2. 

Бу Сврчина учун фаолиятидаги иккинчи "Челленжер" соврини бўлди. У Пунадаги муваффақиятли иштирокидан 100 рейтинг очкоси ҳамда 22,730 АҚШ доллари миқдорида мукофот пули ишлаб олди. У бугун рейтингида Топ-200`га қайтади. Холт эса 50 очко ва 13,350 долларга эга бўлди.

Эслатиб ўтамиз, Далибор турнирнинг 1/2 финалида мамлакатимизнинг биринчи ракеткаси Ҳумоюн Султоновни мағлубиятга учратганди. Аниқроғи, ҳамюртимиз ҳал қилувчи учинчи сетнинг тўртинчи геймидан кейин жароҳат сабаб баҳсни давом эттира олмаганди.