Superbet Chess Classic Romania. Нодирбек Абдусатторов 100 000 доллар учун курашни бошлади

Grand Chess Tour 2025 таснифига кирувчи — Superbet Chess Classic Romania турнирининг мукофот жамғармаси 350 000 АҚШ долларини ташкил қилади. Ғолиб умумий сумманинг 100 000 долларига эга бўлади. Дунёнинг кўзга кўринган гроссмейстерлари қаторида бош соврин учун Нодирбек Абдусатторов ҳам баҳсларга киришди. 

Гроссмейстеримиз илк турда америкалик тажрибали шахматчи Левон Аронянга қарши қора доналарда ўйнаб, якунда дурангга имзо чекди. Биринчи турнинг 5 та партиясидан 3 тасида дуранг қайд этилди. Француз Алиреза Фирузджа ватандоши Максим Вашье-Лагравни, америкалик Уэсли Со эса мезбон шахматчи Богдан-Даниэл Дикни мағлубиятга учратди. 

Амалдаги жаҳон чемпиони ҳиндистонлик Гукеш Доммараджу ҳамюрти Рамешбабу Праггнанандҳа билан муросага келди. Ян-Криштофф Дуда (Польша) - Фабиано Каруано (АҚШ) партиясида ҳам томонлар дурангга рози бўлишди.