Superbet Chess Classic Romania. Нодирбек Абдусатторов 3-турда яна бир ҳинд билан ҳисоб-китоб қилди

Grand Chess Tour 2025 таснифига кирувчи — Superbet Chess Classic Romania турнирининг мукофот жамғармаси 350 000 АҚШ долларини ташкил қилади. Ғолиб умумий сумманинг 100 000 долларига эга бўлади. Дунёнинг кўзга кўринган гроссмейстерлари қаторида бош соврин учун Нодирбек Абдусатторов ҳам кураш олиб бормоқда. 

Дастлабки икки турда гроссмейстеримиз мос равишда америкалик тажрибали шахматчи Левон Аронян ҳамда амалдаги жаҳон чемпиони, ҳиндистонлик Гукеш Доммараджу билан дуранг ўйнаганди. Кеча 3-турда ҳамюртимиз қора доналарда яна бир ҳинд шахматчиси Рамешбабу Праггнанандҳага қарши баҳс олиб борди ва афсуски, бу сафар имкониятни бой бериб қўйди. 

Учинчи турнинг 5 та партиясидан 3 тасида дуранг натижа қайд этилди. Фабиано Каруана қора доналарда ўйнаганига қарамай, француз Алиреза Фирузджани мағлуб эта олди. Жаҳон чемпиони Гукеш бу сафар руминиялик Богдан-Даниэл Дик билан муросага келди. Уэсли Со (АҚШ) - Ян-Криштофф Дуда (Польша) ҳамда Левон Аронян - Максим Вашье-Лаграв (Франция) партияларида ҳам томонлар дурангга рози бўлишди.