12 май 14:41
Янгиликлар
Superbet Chess Classic Romania. Нодирбек Абдусатторов қачон ғалаба қозонади?
Grand Chess Tour 2025 таснифига кирувчи — Superbet Chess Classic Romania турнирининг мукофот жамғармаси 350 000 АҚШ долларини ташкил қилади. Ғолиб умумий сумманинг 100 000 долларига эга бўлади. Дунёнинг кўзга кўринган гроссмейстерлари қаторида бош соврин учун Нодирбек Абдусатторов ҳам кураш олиб бормоқда.
Ортда қолган бешта тур учрашувида гроссмейстеримиз ҳали ғалаба қозонгани йўқ. Шу кунгача 3 дуранг ва 1 мағлубият қайд этган шахматчимиз кеча 5-турда руминиялик Богдан-Даниэл Дик билан муросага келди. Бешинчи турнинг қолган партиялари ҳам дуранг натижа билан якунига етди.
Бугун Абдусатторов 6-турда қора доналарда франциялик Максим Вашье Лагравга қарши баҳс олиб боради. Турнир жадвалида Лаграв 3 очко билан қўшимча кўрсаткичларга кўра иккинчи ўринни эгаллаб турибди. Биринчи ўриндаги Фабиано Каруана ҳисобида ҳам 3 очко бор.
Нодирбек Абдусатторов, Ян-Кшиштоф Дуда ва амалдаги жаҳон чемпиони Гукеш Доммараджу ҳисобида 2 тадан очко бор.
Фикрлар