Superunited Rapid & Blitz Croatia 2025. Бугун Нодирбек Абдусатторов юлдузли турнирдаги иштирокини бошлайди

Мукофот жамғармаси 175 000 АҚШ долларини ташкил этувчи мусобақа рапид ва блиц йўналишларида ўткаилади. Унда Магнус Карлсен, Гукеш Доммараджу, Фабуано Каруана сингари шахмат юлдузлари қаторида ҳамюртимиз Нодирбек Абдусатторов ҳам совринли ўринлар учун дона суради.    

Мусобақа айланма форматда ўтказилади. Рапид баҳслари 9, блиц учашувлари эса 18 партиядан иборат бўлади. 

Мусобақа иштирокчилари: Нодирбек Абдусатторов (Ўзбекистон), Магнус Карлсен (Норвегия), Фабиано Каруана, Уэсли Со (иккиси ҳам АҚШ), Гукеш Доммараджу, Рамешбабу Праггнанандҳа (иккиси ҳам Ҳиндистон), Аниш Гири (Нидерландия), Ян-Криштоф Дуда (Польша), Алиреза Фирузджа (Франция), Иван Сарич (Хорватия)

Бугун мусобақанинг илк куни рапид баҳслари доирасида 3 та тур партиялари ўтказилади. Нодирбек Абдусатторов 1-турда қора доналарда нидерландиялик Аниш Гирига қарши баҳс олиб боради. Иккинчи турдаги рақиб Рамешбабу Праггнанандҳа бўлади. Нодирбек Тошкентдаги турнирдаги мағлубият учун реванш олиш имкониятига эга. Учинчи турда эса мезбонлар вакили Иван Сарич билан ҳисоб-китоб қилади.