Сузиш. Тошкентда Халқаро олимпия кунига бағишланган мусобақа ташкил қилинди

Ўша куни пойтахтимиздаги "Миллий" стадионда катта шоу ташкил қилингани ҳақида хабар бериб ўтдик.

Шунингдек, ушбу сана муносабати билан пойтахтимиздаги "Аква" боғидаги сув ҳавзасида сузиш бўйича очиқ мусобақа бўлиб ўтди. Унда турли ёшдаги ҳаваскор спортчилар иштирок этишди. Олимпия ҳаракатини ривожлантириш, аҳолини спортга қизиқишини ошириш мақсадида ўтказилган турнир иштирокчиларда катта таассурот қолдирди.

Мусобақа якунида ўз йўналишида ғолиб бўлган спортчиларга диплом ва эсдалик совғалари топширилди.