21 июн 13:11
Янгиликлар

Сув спорти турлари

Сузувчиларимиз Ригадаги мусобақада яна медаллар соҳибига айланишди

Теглар : Сузиш

Латвия пойтахти Рига шаҳрида сузиш бўйича халқаро мусобақа давом этмоқда.

Буэнос-Айресдаги Олимпия ўйинларига лицензия тақдим этувчи ушбу рейтинг мусобақанинг илк кунида спортчиларимиз муваффақиятли иштирок этганликлари ҳақида хабар бериб ўтгандик.

Беллашувларнинг иккинчи куни ҳам спортчиларимиз учун омадли бўлди. 200 метрга брасс усулида сузиш бўйича ўтказилган баҳсларда эркаклар ўртасида Владислав Мустафин, аёллар ўртасида эса Бибигул Минлибаева кумуш медаль соҳибига айланди. 200 метрга эркин усулда сузиш бўйича Хуршиджон Турсунов финишга учинчи бўлиб етиб борди ва бронза медалига сазовор бўлди.

4х100 метр эстафетасининг микс йўналишида Бибигул Минлибаева, Мирсаид Мирзоидов, Наталья Критинина, Одилбек Юсупбаев тўртлиги терма жамоамиз ҳисобига бронза медалини қўшиб қўйди.

Мусобақа давом этмоқда.