Свитолина Дубай турниридаги иштирокини якунлади

Кутилмаганда дунёнинг 15-ракеткаси бўлиб турган Элина Свитолина иккинчи давра учрашувида мағлубият аламини тотиб кўрди. Украиналик теннис маликаси 102 дақиқа давом этган баҳсда WTA рейтингида 35-поғонадан жой олиб турган швейцариялик Жиль Тайкманнга 6/7(0), 2/6 ҳисобида имкониятни бой берди.  

Учрашув мобайнида 27 ёшли Свитолина 3 та эйс, 24 ёшли Тайкманн эса 6 та эйс зарбасини ижро этди. Энди Жиль турнирнинг чорак финалида испаниялик Гарбин Мугурусадан устун келган россиялик Вероника Кудерметовага қарши кортга чиқади.