15 фев 07:43
Янгиликлар

Теннис

Свитолина фаолиятида илк бор Доҳа турнири ярим финалига чиқди

Қатар пойтахти Доҳа шаҳрида теннис бўйича нуфузли WTA турнири давом этмоқда.

Дунёнинг тўртинчи ракеткаси Элина Свитолина чорак финалда ортиқча қийинчиликка дуч келмади. Украиналик теннис маликаси чехиялик Каролина Муховани 6:4, 6:2 ҳисобида мағлуб этди.

Бу билан Свитолина фаолиятида илк бор Доҳа турнирининг ярим финалида ўйнайди. Мухова асосий тўрга саралаш баҳсларидаги ғалабалари орқали етиб келганди. Энди Элина руминиялик Симона Халепга қарши финал чиптаси учун кортга чиқади.